Oʻzbekiston Respublikasi Prezidentining 2024- yil 4 -martdagi PQ-114-son qarorida belgilangan vazifalardan kelib chiqib, joriy yilning avgust oyida Statistika agentligi markaziy apparatida “Central Asia Certification” sertifikatlash tashkilotining xalqaro auditorlari tomonidan agentlik faoliyatining xalqaro standartlarga muvofiqligi yuzasidan xalqaro sertifikatlash auditi oʻtkazildi.
Audit yakunlari boʻyicha sentabr oyida xalqaro sertifikatni taqdim etilishi toʻgʻrisida qaror qabul qilindi.
Buning natijasida, Statistika agentligining statistika faoliyati, shu jumladan, rasmiy statistikani tayyorlash va tarqatish faoliyati “ISO 9001:2015 sifat menejmenti tizimi” xalqaro sertifikatsiya jarayonidan muvaffaqiyatli oʻtdi.
Shu munosabat bilan, 2024- yilning 4- oktabr sanasida MDHning II Xalqaro Statistika forumining yakunida Statistika agentligida sifat menejmenti tizimini joriy qilganligi boʻyicha ISO 9001 xalqaro sertifikatini topshirish marosimi boʻlib oʻtdi. Bu haqda Statistika agentligi Axborot xizamati ma’lum qildi.
Sertifikatni TÜV AUSTRIA Group xalqaro sertifikatlash tashkilotining vakolatxonasi “Central Asia Certification” MCHJ direktori Xalida Muxamedova tantanali ravishda Statistika agentligi direktoriga topshirdi.
Maʼlumot uchun: “ISO 9001:2015 sifat menejmenti tizimi” dunyodagi eng mashhur xalqaro standart boʻlib, dunyo boʻylab 180 mamlakatlardagi milliondan ortiq tashkilotlar sertifikatlashtirgan.
Statistika agentligi ISO 9001 xalqaro sertifikatini oldi
