Toshkent shahri, Chilonzor tumani, Algoritm dahasi Sugalli ota koʻchasida joylashgan mebel ishlab chiqarish sexida yongʻin sodir boʻldi. Bu haqda Favqulodda vaziyatlar vazirligi xabar berdi.
Manbaga koʻra, 2024-yil 27-fevral kuni soat 00:13 da Chilonzor tumani, Sugalli ota koʻchasida joylashgan, angar sifatida foydalanib kelayotgan mebel ishlab chiqarish sexida yongʻin sodir boʻlganligi toʻgʻrisida Toshkent shahar Favqulodda vaziyatlar boshqarmasiga xabar kelib tushgan.
Yongʻin joyiga soat 00:17 da yongʻin qutqaruv ekipajlari yetib borgan. Vazirlik hodisa yuzasidan qoʻshimcha maʼlumot berilishini maʼlum qildi.
