Shimoliy Egeyning go’zalligi: Ayvalik
Kristal suvlari, bejirim manzaralari, tarixiy binolari va Egey uslubidagi mazali taomlari bilan mashhur bo’lgan Ayvalik dam olish uchun mukammal muhitdir. Tongingizni mazali Ayvalik tosti bilan boshlashingiz va Sarimsaklida yoki Altinova sohilida, Patrisa yoki Ortunch ko’rfazida plyaj kunini o’tkazishingiz mumkin. Ushbu xushmanzara tumanning ko’p asrlik ko’chalarini o’rganish, mintaqaning mashhur pishloqlari, dengiz mahsulotlari va o’tlaridan tatib ko’rishingiz mumkin. Ajoyib quyosh botishi manzarasi uchun Shaytan Sofrasiga tashrif buyuring.
Ayvalik bilan ko’prik orqali bog’langan Junda oroli ham takrorlanmas tabiat mo‘jizasidir. Port bo’yidagi baliq restoranlaridan birida ovqatlaning va Egey dengizining kalamar, qisqichbaqalar va sakkizoyoqlardan iborat dabdabali ziyofatidan bahra oling,
Izmirning sevimli maskani: Alachati
Izmir feruza rangli dengizi qadimiy shaharlargacha cho’zilgan Egeyning marvaridi va go’zal qirg’oq shahridir. Lonely Planet tomonidan 2024 yilgi sayyohlik maskani sifatida tavsiya etilgan ushbu hayajonli shaharning eng mashhur dam olish marshruti, shubhasiz, oppoq qumli plyajlari, quyosh botishidagi plyaj ziyofati va o‘z jozibasi bilan mashhur Cheshme yarim orolidir. Mashhur tarixiy shamol tegirmonlari, tosh uylar, do’stona butik mehmonxonalar va ajoyib tavernalari, o’n minglab mehmonlarni o’ziga jalb qiladigan festivallari, tungi hayoti va plyaj ziyofatlari bilan ham ko’rishga arziydi. Mintaqaning eng mashhur plyaji — maftunkor dengizi bilan Ilija plyaji. Bundan tashqari, Alachatining kuchli dengiz shabadalari qayiq va varrak uchirish uchun ajoyib imkoniyat.
Uzumzorlar va innovatsion oshpazlar tomonidan boshqariladigan restoranlarga boy gastronomik shahar Urla maroqli ta’til o’tkazish uchun muhtasham manzil. Mintaqaning pazandachilik rivojlanishi Mishlen GUIDE e’tiborini tortdi va uzumchilik uni mahalliy vinolari bilan yetakchi rol o’ynaydigan bazaga aylantirdi.
Egeyning diqqatga sazovor joylari: Bodrum
Bodrum, shubhasiz, Turkiyaning Egey dengizi sohilidagi eng ko’zga ko’ringan sayyohlik maskanidir. Cheksiz ko‘m-ko‘k suvlari, shinam dam olish maskanlari, o’zining ajoyib qo’ltiqlari, Moviy bayroqli plyajlari, hashamatli va premium mehmonxonalari, Egey va xalqaro taomlarni taqdim etuvchi sifatli restoranlari bilan ajralib turadi. Dam olish maskani, shuningdek, xalqaro portlar va marinalarni o’z ichiga olgan xalqaro yulduzdir. Go’lturkbuku va Gumushluk kabi dam olish shaharlari bilan o’ralgan. Bodrumda ajoyib dengiz mahsulotlari bilan to’ldirilgan dasturxonda Egey hayot tarzidan bahramand bo’lish va luks ta’til o‘tkazishingiz mumkin.
Tarix ixlosmandlari uchun 15-asrda Rodos ritsarlari tomonidan qurilgan Bodrum qal’asi va qal’ada joylashgan Bodrum suv osti muzeyi, shuningdek, qadimgi dunyoning yetti mo‘jizasidan biri hisoblangan Galikarnas maqbarasi xarobalari koʻrilishi shart boʻlgan joylar roʻyxatidadir. Bodrum yana bir gastronomik jannatdir, chunki u Mishlen qo’llanmasida ko’rsatilgan bir nechta restoranlarni o’z ichiga oladi.
Egeyning sokin oroli: Datcha
Qarag’ay daraxtlari orqasida yashiringan sokin, beg’ubor Moviy bayroqli plyajlar, bodom va zaytun daraxtlari bilan gullagan tepaliklar, toza havo, toshli ko’chalar va tosh uylar… Egey va O’rta yer dengizi uchrashadigan Datcha o’zining musaffo dengizi va tetiklantiruvchi shabadalari bilan mashhur jozibali yarim oroldir. Markazdagi Tashlik, Kumluk va Hastane Alti plyajlari quyoshda toblanish va porlab turgan suvlarda suzish uchun qulay bo‘lib, Datchaning sokin ko’rfazlariga esa qayiq sayohatlari orqali borish mumkin. Datcha oʻt-oʻlanlari, dengiz mahsulotlari, shifobaxsh asali va bodomlari bilan tayyorlangan mahalliy taomlari sizga yangicha ta’m taqdim etadi.
Yarim orolning eng uchida joylashgan Datchaga borganingizda, Egey va O’rta yer dengizi uchrashadigan joyda joylashgan muhtasham qadimiy Knidos shahrining betakror quyosh botishi manzarasidan bahramand bo’ling.
Malohat ARTIKOVA
