Tribuna.uzʻning maʼlum qilishicha, Qatarda oʻtgan Osiyo kubogi U23 turnirida qitʼa vitse-chempioniga aylanib, oʻz tarixida ilk bor Olimpiadaga yoʻllanma olgan Oʻzbekiston olimpiya jamoasi pul mukofoti bilan taqdirlandi.
Manbaga koʻra, jamoaning har bir aʼzosiga 30 ming AQSH dollaridan berilgan.
Maʼlumot uchun, Parij-2024 Olimpiadasi 26-iyuldan 11-avgust kuniga qadar boʻlib oʻtadi. Oʻzbekistonlik futbolchilar Olimpiadadagi yurishini 24-iyul kuni boshlaydi. Oʻsha kuni Temur Kapadze shogirdlariga S guruhida Ispaniya terma jamoasi raqiblik qiladi. Shuningdek, ular guruh bosqichida Misr va Dominikan Respublikasi olimpiya jamoalariga ham qarshi maydonga tushadi.
