O‘zbekiston Respublikasi Milliy gvardiyasining 2024-yil uchun ommaviy-sport va uslubiy tadbirlar kalendar rejasiga muvofiq hamda O‘zbekiston Respublikasi Milliy gvardiyasi qo‘mondoni birinchi o‘rinbosarining 2024 -yil 24 -fevraldagi “O‘zbekiston Respublikasi Milliy gvardiyasi birinchiligi uchun yengil atletika bo‘yicha musobaqani o‘tkazish to‘g‘risida”gi 19-son farmoyishiga asosan O‘zbekiston Respublikasi Milliy gvardiyasi Toshkent shahar bo‘yicha boshqarmasi bazasida sportning yengil atletika turi bo‘yicha Milliy gvardiya birinchiligi musobaqasi bo`lib o`tdi.
Shuningdek, musobaqada Milliy gvardiya hududiy boshqarma, muassasa va harbiy qismlardan jalb qilingan 19-terma jamoalar (150 nafar harbiy xizmatchi va xodim) o‘rtasida o‘tkazildi. Mazkur musobaqaning yakuni bo‘yicha o‘rinlar qo‘yidagi jamoalarga berildi.
1-o‘rinni, 98162 harbiy qismi terma jamoasi;
2-o‘rinni, 65921 harbiy qismi terma jamoasi;
3-o‘rinni, O‘zbekiston Respublikasi Jamoat xavfsizligi universiteti terma jamoasi egalladi.
Musobaqa g‘olibl va sovrindorlari tegishli darajadagi diplom, medal, kubok va esdalik sovg‘alari bilan taqdirlanishdi.
