17 fevral kuni Londondagi Isroil elchixonasi oldida Falastinni qo‘llab-quvvatlash uchun boshlangan norozilik namoyishlarida 12 kishi hibsga olindi. Bu haqda «Daily Mail» gazetasi xabar qildi.
Qayd etilishicha, London markaziy ko‘chalarida boshlangan mitinglarda 200 000 dan 250 000 gacha namoyishchi ishtirok etgan. Politsiyaning ta’kidlashicha, hibsga olishlar plakatlar bilan bog‘liq huquqbuzarliklar, zobitlarga hujum qilish va shaxsni oshkor qilishni rad etish uchun qilingan. Londonning shimoli-g‘arbidagi Nisdenda ham Falastin tarafdorlarining mitingi to‘xtatilgan.
Politsiyaning hisob-kitoblariga ko‘ra, London markazidagi asosiy namoyishga 30 ming kishi to‘plangan, tarqatib yuborish to‘g‘risidagi buyruq soat 23:00gacha amalda bo‘lgan, hududni tark etish ko‘rsatmasidan bosh tortganlar hibsga olingan. Buyuk Britaniya bo‘ylab 1500 ga yaqin politsiyachi safarbar etilgan.
Namoyishchilar Isroil elchixonasi hududidan 100 metrdan uzoqroqda, zobitlar nazorati ostidagi to‘siqlar ortida ushlab turilgan. Shuningdek, miting qatnashchilaridan yaxudiy binolarini, jumladan, sinagogalarni himoya qilish maqsadida ehtiyot choralari ko‘rilgan.
