Rivojlangan mamlakatlarda yer eng yaxshi mulk va biznes asosi. Soʻnggi yillarda yurtimizda ham bu sohada shaffoflik va raqobat taʼminlangani natijasida yer bozor aktiviga aylanmoqda.
Surxondaryo viloyati boʻyicha tadbirkorlik uchun 5241 ta yer uchastkasi E-auksion platformasida savdoga chiqarildi. Xususan, Termiz shahrida 37 ta, Angor tumanida 200 ta, Bandixon tumanida 281 ta, Boysun tumanida 338 ta, Muzrabot tumanida 374 ta, Oltinsoy tumanida 149 ta, Denov tumanida 463 ta, Jarqoʻrgʻon tumanida 353 ta, Qumqoʻrgʻon tumanida 575 ta, Qiziriq tumanida 459 ta, Sariosiyo tumanida 152 ta, Termiz tumanida 984 ta, Uzun tumanida 311 ta, Sherobod tumanida 422 ta, Shoʻrchi tumanida 143 ta yer uchastkasi savdoga qoʻyildi.
