Bu haqda AOKAda oʻtkazilgan brifingda Markaz axborot xizmati rahbari Anvar Haqberdiyev maʼlum qildi.
Milliy markaz tizimida 12 ta ilmiy-tadqiqot institutlari mavjud boʻlib, ular tomonidan 2023-yilda Davlat ilmiy dasturlari doirasida qiymati 42,3 mlrd soʻmlik 81 ta loyiha amalga oshirildi.
Loyihalar doirasida 2023-yilda 14 ta oʻrta tolali gʻoʻza navlari tizmalari yaratilib, Davlat nav sinoviga tavsiya etildi.
Olimlarimiz tomonidan yaratilgan don va dukkakli ekinlarning 6 ta yangi navi istiqbolli deb topildi.
Sabzavot yoʻnalishiga toʻxtaladigan boʻlsak, 12 ta yangi nav yaratilib, 6 ta nav Davlat reyestriga kiritildi. Shuningdek, Oʻzbekiston—Vengriya kartoshka ilmiy markazi bilan hamkorlikda tanlab olingan Vengriya seleksiyasiga mansub 5 ta kartoshka navi davlat reyestriga kiritildi.
Sholichilik tarmogʻida ham samarali ilmiy-tadqiqotlar olib borildi. Natijasiga koʻra 2 ta yangi sholi navi rayonlashtirildi.
