Onado‘li o’tmish xazinalariga boy hudud bo‘lib, dunyoning eng qadimgi sivilizatsiyalari va tarixda ko’plab ilklarning vatani bo‘lgan. Bugun Turkiyaning qayeriga bormang, bu yerlar o‘zining tarixiy boyliklari bilan sizni maftun etadi va tashrif buyuruvchilarga unutilmas tajriba taqdim etadi. YuNESKOning Jahon merosidan tortib arxeologiya muzeylariga qadar boy xilma-xillikka ega Turkiya madaniy merosni muhofaza qilish va muzeyshunoslikni dunyo miqyosida ommalashtirish maqsadida har yili 18-24 may kunlari o’tkaziladigan Muzeylar haftaligining ham ayni vaqtda manzilidir.
Unumdor geografiyaning lazzatlari va qadimiy an’analarini o’z ichiga olgan Onado’lining boy gastronomiya madaniyatining keng ko‘lamli Turk oshxonasi haftaligi 2024-yilning 21-27 may kunlari butun dunyo bo’ylab nishonlanadi. Uchinchi yil o‘tkazilayotgan bu haftalik doirasida Turkiyada va Turkiya Respublikasining xorijdagi vakolatxonalarida turli tadbirlar va ijtimoiy media kampaniyalari o‘tkaziladi. Turk oshxonasi haftaligi davomida barqaror turk oshxonasining mazali, sog’lom, an’anaviy va chiqindisiz retseptlari bilan batafsil tanishib chiqiladi. Bu yilgi xalqaro tadbirlarda mamlakat tarixi, madaniyati va tabiatining jonli uyg’unligini aks ettiradigan turk gastronomiyasining Egey uslubidagi taomnomasi taqdim etiladi.
Turk Rivierasi dunyoning eng maftunkor geografiyalaridan biri bo’lib, o‘zining velosipedda sayohat qilish uchun qulay mazillari, diqqatga sazovor joylari, firuza qirg’oqlari va go’zal qo’ltiqlari, tog’ yo’llari va oltin plyajlari, boy madaniy va oshxona merosi bilan sayyohlarni xushnud etib kelmoqda. Bundan tashqari, milliy va xalqaro eko-yorliqlarga ega bo’lgan turli xil mehmonxonalar va yotoqxonalari, lager va glamping zonalari, bungalov kurortlari va velosipedchilar uchun velosipedga mos yaqin mehmonxonalar sayyohlarni e’tiborini tortmoqda. Kuniga 24 soat ochiq bo’lgan xavfsiz veloturargohlarda velosipedingizni qoldirishingiz, tozalashingiz, ta’mirlashingiz va texnik xizmat ko’rsatishingiz, shuningdek, mintaqadagi velosiped yo’nalishlari bilan tanishishingiz mumkin. Keling, Turk Rivierasi bo’ylab ajoyib velosiped manzillarini ko’rib chiqaylik.
Onado’li o’lkalari ko’plab chuqur ildizlarga ega tsivilizatsiyalarga vatan bo‘lgan hudud sifatida juda ko‘p ilklarni boshidan kechirgan. Sharq va G‘arb to‘qnash kelgan bu qadimiy zamin kutilmagan xazinalarga boy bo‘lib, har qadamda tarix qatlamlari namoyon bo‘ladi.
