Ўзбекистон Республикаси Президенти ҳузуридаги Статистика агентлигининг Кадрлар малакасини ошириш ва статистик тадқиқотлар институти фаолиятини янада такомиллаштириш, шунингдек, Статистика агентлиги тизимида ходимлар томонидан мустақил таълим олиш орқали ўз касбий компетенцияси ва саводхонлигини узлуксиз ошириб боришини тизимли йўлга қўйиш мақсадида “Статистика таълим платформаси” (talim.stat.uz) корпоратив ахборот тизими ишга туширилди.
Платформа ўқув жараёнларини рақамли технологиялар асосида ташкил этиш ва мониторинг қилиш орқали таълим сифатини оширади.
“Статистика таълим платформаси” – жорий этилган онлайн курслар орқали ходимларга масофадан онлайн тарзда таълим олиши, касбий кўникмаларини мустаҳкамлаши ва статистика соҳасида билимларини ошириши юзасидан мустақил таълим олишлари учун имконият яратади.