Bugun, 27 aprelga o‘tar kechasi Rossiya havo hujumidan mudofaa tizimi Krasnodar o‘lkasi uzra uchuvchisiz samolyot hujumini qaytardi. Bu haqda hudud gubernatori Veniamin Kondratev ma’lum qildi.
Uning aytishicha, mintaqaning turli hududlarida neftni qayta ishlash zavodlari va infratuzilma ob’ektlarini nishonga olgan o‘ndan ortiq uchuvchisiz samolyotlar ushlangan.
“Qurbonlar va jiddiy vayronagarchiliklar yo‘q, favqulodda xizmatlar dron qulashi oqibatida yuzaga kelgan yong‘inlarni o‘chirishda davom etmoqda”, deydi Veniamin Kondratev.
O‘z navbatida, Krasnodar o‘lkasining Slavyanskiy tumani rahbari Roman Sinyagovskiy Telegram’da Slavyansk-na-Kubandagi zavod uchuvchisiz samolyot hujumiga uchraganini ta’kidladi.
«Tanklar fermasi va distillash ustuniga jami 9 ta hujum uyushtirildi», deb yozdi u.
Sinyagovskiyning so‘zlariga ko‘ra, qurbonlar yo‘q, ammo distillash ustuni shikastlangan.
